Benito Leiro Paz, fundador de Electrodomésticos Leiro, S.L.
Centro Comercial Aberto Vilanova Centro
O CCU de Vilanova Centro inicia a súa andadura no ano 2012, sendo anteriormente asociación de comerciantes dende o 2003.
A súa finalidade e a potenciación e dinamización do comercio local do concello de vilanova, para elo ten levado adiante cantidade de iniciativas do comercio local, realizando campañas en colaboración coa Xunta de Galicia, Deputación e entidades financeiras, ten entre os seus comentivos a promoción e defensa dos pequenos comerciantes apoiando todas aquelas iniciativas veciñais, culturais ou deportivas que nacen na nosa vila.
A delimitación xeográfica, engloba o casco urbano de Vilanova de Arousa.
Presidente: Ramón Cardalda Fernández
Xerente: Eva Rey Rodríguez
Electrodomésticos Leiro, S.L., despois de case sesenta anos
|
Benito Leiro Paz |
Benito Leiro Paz fundou o seu
primeiro taller mecánico en Vilanova de Arousa no ano 1955. Instalouse nun
baixo da rúa Tras da Cruz, preto do Concello, onde estivo situado durante a
penas 6 meses, ata o seu traslado a Vilamaior, actual avenida González Besada,
onde edificou unha pequena nave industrial. Ademais das tarefas propias dun
taller destas características, nos primeiros tempos o local tamén estaba
dedicado ó aluguer de bicicletas.
|
Os inicios de comercial Leiro (1966) | |
Benito Leiro decidiu establecer un
taller porque a mecánica foi a súa profesión, xa exercida dende os 14 anos de
idade en Talleres e Transportes Pereira de Vilagarcía de Arousa. O negocio
comezou con moi poucos medios: un torno, a fragua, esmeril, soldadura, un par
de aprendices...
En 1966, o fundador ampliou a
actividade do taller construíndo un novo baixo comercial onde se vendía
maquinaria agrícola, motos, bicicletas, accesorios e ferratería con escaparates
cara á rúa Rosalía de Castro e á avenida González Besada.
|
Tenda actual |
Actualmente, Electrodomésticos
Leiro conta con tres baixos comerciais situados na mesma esquina,mantendo a
diversificación da actividade: ferratería por unha banda e electrodomésticos
pola outra, intentando ser competitivos nas dúas. O relevo xeracional chegou da man de dous
fillos do fundador: Carlos e Sonia Leiro Conde.
Electrodomésticos Leiro non quere
seguir a estela das grandes áreas, onde se esquece o servizo ó público. A
prioridade deste negocio, e o seu mellor activo, consiste na atención persoal e
directa de maneira que os clientes o relacionen co servizo emais coa calidade.
Venda, instalación, explicación do produto, e seguemento postvenda son os
sinais de identidade que xa o promotor deste negocio imprimira nel.
Os seus fillos procuran seguir as
directrices marcadas polo fundador e xa que logo incorporar os mellores prezos
posibles e ofrecerlles ós clientes mercadorías de última tecnoloxía. Moitos dos
clientes son amigos, persoas que cando necesitan algo non se plantexan ir a
outro sitio porque están satisfeitas coa atención emais cos resultados da súa
realación coa “de Leiro”.
No hay comentarios:
Publicar un comentario